(ВИДЕО) Каков гол на Гранде Пандев – во пад со глава за победа на Џенова

Одличен почеток на годината за капитенот на македонската фудбалска репрезентација Горан Пандев кој вечерва со гол постигнат во финишот на мечот обезбеди победа за Џенова во дуелот со Сасуоло.

Средбата заврши со резултат 2:1. Џенова поведе преку Кришито од пенал во 29. минута, четири минути подоцна изедначи Обијанг, а решавачкиот момент се случи во 86. минута кога Пандев натрча на една нафрлена топка, а по одбранетиот првичен удар, во пад ја зафати топката со глава и постигна гол за голема радост на домашните навивачи.

Со новите три бода, Џенова не е веќе последна во Серија А. Сега има 14 бода (19.место), исто колку и Бреша која е 18-та. Најблиски екипи надвор од „зоната на испаѓање“ се Сампдорија и Лече со по 15 бода.

Previous articleСо солзи во очите и со песна од Дорис Драговиќ Колинда се прости од гласачите (ВИДЕО)
Next articleШекеринска открива што и вели ќерката Ада на нејзе и сопругот Бобо