Еден месец подоцна, тој од болнички кревет ја сподели својата приказна со јавноста и беше прогласен за херој.
„Здраво на сите. Јас сум Ли Венлианг, офталмолог во Централната болница во Вухан“, напиша Венлианг на кинеската социјална мрежа Веибо и ја почна својата приказна.
Во декември Венлианг забележал седум случаи на зараза од непознат вирус во својата болница за кој сметал дека има сличности со САРС, вирусот што предизвика глобална епидемија во 2003 година.
На 30 декември тој ги предупредил своите колеги лекари дека тоа може да биде многу заразна болест и ги советувал да носат заштитна облека за да избегнат зараза. Четири дена подоцна го посетила полицијата, односно службеници од Канцеларијата за јавна безбедност, кои му предале писмо во кое е обвинет дека „давал лажни информации“ што „сериозно го нарушиле општествениот поредок“.
Li Wenliang李文亮, the doctor who has disclosed the #coronarvirus at the first stage was interrogated and warned by the police. He was infected by the #nCoV2019 later. Now he post his "punishment letter" on Weibo, the Chinese twitter. Please follow him to protect him! @IntyMedia pic.twitter.com/tlRSKPsd2Y
— ChinaNewsTranslation新闻搬运工 (@chinanewsbyg) January 31, 2020
„Официјално ве предупредуваме дека ќе бидете изведени пред лицето на правдата ако продолжите да ширите вакви неосновани гласини“, пишувало во писмото. Венлианг бил едно од осумте лица што тогаш биле следени од полицијата поради „ширење невистинити гласини“, вели Би-би-си.
Целиот текст прочитајте го на мкд.мк
